أموت صادقة وأرفض أعيش كذاب

مليـت ورب البيـت ياليـل مليـت ... مـن الجـروح اللـي تجينـي بـلا اسبـاب

تدري ياليل اني على الجرح غنيت ... غنيت دمعه والصـدى ضـم الاهـداب

تبـي الحقيقـة والصراحـة ترجيـت ... فرحـة ولـكـن الـزمـن بالعـطـا خــاب

ياليـل قلـي بدنيتـي ويـش سويـت ... حتـى الهمـوم بداخلـي تفـتـح ابــواب

ان كان طيبي عيب ومشكلتي اوفيت ... اموت صادق وارفض اعيش كذاب

طبعي كـذا مـن ميزتـي ماتخليـت ... عنـدي مبـادئ دونهـا ترخـص ارقـاب

بيـنـي وبيـنـك ياكـثـر ماتعنـيـت ... اركــض بغـرفـة مغلـقـة مـالـهـا بـــاب

غرفـة وراهـا فرحتـي دونهـا جيـت ... اركانـهـا عتـمـة ولاحـولـي احـبـاب

كـاس الفـراق المـر منـة تقهويـت ... انـا اشهـد ان الشـوق بالليـل غـلاب

ياليـل انـا لاشفـت ماعفـت قفيـت ... اقفـي ولـو خلفـي كثيريـن الاصـحـاب

الا جروحـي كـل مارحـت واقفيـت ... جتـنـي تحـمـل صـدتـي لــو وعـتـاب

ماذكر ولو مرة بحياتي تهنيت ... اضحـك كـذا والصـدق عـن شفتـي غـاب

صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلـم بالشقـى ذاب

اسريك بحالتـي واذا رحـت ونيـت ... مابـي تـروح ودمعتـي بيـن الاهـداب

اكتب شعوري في ظلامك على ايت ... ونورك ختم قصـة عذابـي علـى اب

يالليـل قـل للصبـح انـي تمنيـت ... بـس ابتسـامـه تنتـشـل قـلـب منـصـاب